50000 ரன்களை எட்டுவாரா சச்சின்? Sachin will get 50000 runs

50000 ரன்களை எட்டுவாரா சச்சின்?

by Tamilan
விளையாட்டு உலகம்Today,

சாம்பியன்ஸ் லீக் தொடரில் மும்பை அணி, பெர்த் அணியை எதிர்கொள்கிறது. இதில் சச்சின், 26 ரன்கள் எடுக்கும் பட்சத்தில், சர்வதேச போட்டிகளில் 50,000 ரன்களை எடுத்த முதல் வீரர் என்ற பெருமை பெறலாம்.
ஐந்தாவது சாம்பியன்ஸ் லீக் கிரிக்கெட் தொடர் இந்தியாவில் நடக்கிறது. 10 அணிகள், இரு பிரிவுகளாக பிரிக்கப்பட்டு, லீக் முறையில் போட்டிகள் நடக்கின்றன. "ஏ' பிரிவில் 12 புள்ளிகள் பெற்ற ராஜஸ்தான் அணி, அரையிறுதிக்கு முன்னேறியது. 

மும்பை அணியை பொறுத்தவரையில் முதல் போட்டியில் ராஜஸ்தானிடம் தோற்றது. அடுத்து ஒடாகோவுக்கு எதிரான போட்டி, மழையால் பாதிக்கப்பட்டது. பின் லயன்ஸ் அணியை வீழ்த்தியது. 

இதனிடையே, இப்பிரிவில் இன்று நடக்கும் கடைசி மோதலில் மும்பை அணி, ஆஸ்திரேலியாவின் பெர்த் ஸ்கார்ச்சர்ஸ் அணியை சந்திக்கிறது. இதில் வெற்றிக்கு முயற்சிக்கும் எனத் தெரிகிறது.

சச்சின் நம்பிக்கை:

மும்பை அணியின் மாஸ்டர் பேட்ஸ்மேன் சச்சின், கடந்த 2 போட்டியில் 20 ரன்கள் மட்டுமே எடுத்து சொதப்புகிறார். இன்று 26 ரன்கள் எடுக்கும் பட்சத்தில், சர்வதேச போட்டிகளில் 50,000 ரன்கள் எடுத்த வீரர் என்ற பெருமை பெறலாம்.

மற்றபடி, துவக்க வீரர் ஸ்மித், கேப்டன் ரோகித் சர்மா, போலார்டு மட்டும் பேட்டிங்கில் ஆறுதல் தருகின்றனர். தினேஷ் கார்த்திக், அம்பதி ராயுடு ஏமாற்றம் தொடர்கிறது. 

பவுலிங்கில் "யார்க்கர்' மலிங்கா இல்லாதது பலவீனம் தான். வேகப்பந்து வீச்சாளர்கள் மிட்சல் ஜான்சன், கூல்டர் நைல் இதுவரை தலா ஒரு விக்கெட் தான் வீழ்த்தியுள்ளனர். "சீனியர்' ஹர்பஜனும் மோசம் தான். பிரக்யான் ஓஜா நம்பிக்கை தொடரும் என நம்பலாம்.

முதல் வெற்றி:

இத்தொடரில் பங்கேற்ற அணிகளில் பலவீனமாது பெர்த் ஸ்கார்ச்சர்ஸ் தான். பங்கேற்ற 3 போட்டிகளில் 2ல் தோற்றது. ஒரு போட்டி மழையால் ரத்தாக, அரையிறுதி வாய்ப்பு கலைந்தது. 

இதனால், இன்று இந்த அணி ஆறுதல் வெற்றிக்கு முயற்சிக்கலாம். இதற்கு கார்ட்ரைட், வோஜஸ் உதவலாம். கேப்டன் காடிச், இளம் வீரர் ஏகார் ஏமாற்றுகின்றனர். பவுலிங்கில் பாரிஸ், பெக்ரன்டர்ப் ஆறுதல் தருகின்றனர். 
இன்னும் 26 ரன்கள்

இந்திய "மாஸ்டர் பேட்ஸ்மேன்' சச்சின், கிரிக்கெட் அரங்கில் 50 ஆயிரம் ரன்கள் என்ற புதிய மைல்கல்லை எட்ட, இன்னும் 26 ரன்கள் தேவைப்படுகிறது. டில்லியில் இன்று இச்சாதனை படைப்பார் என எதிர்பார்க்கப்படுகிறது.
Show commentsOpen link

சாம்பியன்ஸ் லீக் கிரிக்கெட்: ராஜஸ்தான் அணி வெற்றி Champions league cricket Rajasthan team win

சாம்பியன்ஸ் லீக் கிரிக்கெட்: ராஜஸ்தான் அணி வெற்றி Champions league cricket Rajasthan team win

Tamil NewsYesterday,

ஜெய்ப்பூர், அக்.2-

5-வது சாம்பியன்ஸ் லீக் கிரிக்கெட்டில் நேற்றிரவு ஜெய்ப்பூரில் நடந்த 18-வது லீக் ஆட்டத்தில் ராஜஸ்தான் ராயல்சும், நியூசிலாந்தை சேர்ந்த ஒட்டாகோவும் (ஏ பிரிவு) மோதின. இதில் முதலில் பேட் செய்த ஒட்டாகோ அணிக்கு ராஜஸ்தான் வேகப்பந்து வீச்சாளர் ராகுல் சுக்லா 'செக்' வைத்தார். ஒரே ஓவரில் ரூதர்போர்டு (5 ரன்), கேப்டன் பிரன்டன் மெக்கல்லம் (5 ரன்), டி பூர்டர் (0) ஆகியோரை வெளியேற்றினார்.

என்றாலும் இந்த மெகா வீழ்ச்சியில் இருந்து அணியை பின்னால் வந்த வீரர்கள் ஓரளவு தூக்கி நிறுத்தினர். ரையான் டென் டஸ்சாட் 26 ரன்களும், ஜேம்ஸ் நீஷம் 32 ரன்களும், நாதன் மெக்கல்லம் 28 ரன்களும், இயான் பட்லர் 25 ரன்களும் எடுத்தனர். 20 ஓவர் முடிவில் ஒட்டாகோ அணி 7 விக்கெட் இழப்புக்கு 139 ரன்கள் எடுத்தது. ராஜஸ்தான் தரப்பில் சுக்லா 3 விக்கெட்டுகளும், கெவோன் ஹூப்பர் 2 விக்கெட்டுகளும் கைப்பற்றினர்.

அடுத்து ஆடிய ராஜஸ்தான் அணி கேப்டன் டிராவிட் (10 ரன்), சாம்சன் (5 ரன்), வாட்சன் (2 ரன்), பின்னி (1 ரன்) ஆகியோரின் விக்கெட்டுகளை துரிதமாக இழந்த போதிலும் ரஹானேவும் (52 ரன், 48 பந்து, 7 பவுண்டரி), பிராட் ஹாட்ஜிம் (52 ரன், 23 பந்து, 5 பவுண்டரி, 3 சிக்சர்) அணியை வெற்றிப்பாதைக்கு அழைத்து சென்றனர். ராஜஸ்தான் அணி 19.1 ஓவர்களில் 6 விக்கெட்டுக்கு 142 ரன்கள் சேர்த்து 4 விக்கெட் வித்தியாசத்தில் வெற்றி பெற்றது. ஏற்கனவே அரைஇறுதிக்கு முன்னேறி விட்ட அந்த அணி தொடர்ச்சியாக பெற்ற 4-வது வெற்றி இதுவாகும்.

மேலும் ஐ.பி.எல்.-ல் இருந்து ஜெய்ப்பூர் மைதானத்தில் தொடர்ச்சியாக பதிவு செய்த 12-வது வெற்றியாகும். அதே சமயம் முதல்தர 20 ஓவர் கிரிக்கெட்டில் தொடந்ந்து 15 ஆட்டங்களில் வெற்றிகளை குவித்திருந்த ஒட்டாகோவின் வீறுநடை இதன் மூலம் முடிவுக்கு வந்தது. மும்பை-பெர்த் இடையிலான ஆட்டத்தின் முடிவை பொறுத்து ஒட்டாகோவின் அரைஇறுதி வாய்ப்பு தீர்மானிக்கப்படும்.
...
Show commentsOpen link